Published From Aurangabad & Buldhana

یوگی حکومت کووڈ کیئر فنڈ کے پیسے کا حساب دے: اجے کمار للّو

یو این آئی

لکھنو: اترپردیش کانگریس کے صدر اجے کمار للّو نے کورونا وبا کے وقت یوگی حکومت پر لاپرواہ اور بے حس رویہ اختیار کرنے کا الزام عائد کرتے ہوئے سوال کیا کہ حکومت بتائے کہ کووڈ کیئر فنڈ کا پیسہ مشکل وقت میں کہاں خرچ کیا جا رہا ہے۔

اجے کمار للّو نے جاری بیان میں کہا کہ حکومت کی بے حسی کے سبب عوام کورونا وبا سے ذاتی طور پر اپنی استعداد سے زیادہ لڑ رہے ہیں۔ ریاست کے عوام کو سب سے زیادہ تعاون کرنے کی ضرورت تھی، اس وقت یوگی حکومت نے اپنی بدعنوانی کا چہرہ اجاگر کیا ہے۔

انہوں نے کہا کہ گزشتہ برس اپریل میں حکومت نے کووڈ کیئر فنڈ بنایا تھا، جس میں عام آدمی کا پیسہ، اراکین اسمبلی کا فنڈ، سرکاری اہلکاروں/افسران اور ریاست کی تاجر برادری سے موٹی رقم اس فنڈ میں زبردستی جمع کروائی گئی۔ اراکین اسمبلی کے فنڈ کو ایک سال کے لیے سسپینڈ کر کے 2020-21 کی رکن اسمبلی کے فنڈ کا پیسہ، وزراء اور اراکین اسمبلی کی تنخواہ میں سے 30 فیصد تنخواہ کی تخفیف کا پیسہ وغیرہ کووڈ کیئرفنڈ میں جمع کروایا گیا، بتایا گیا تھا کہ اس کا استعمال وبا سے لڑنے میں کیا جائے گا۔ انہوں نے کہا کہ حکومت کو عوامی کے تئیں جواب دہ ہونا چاہیے۔

You might also like

Subscribe To Our Newsletter

You have Successfully Subscribed!