Published From Aurangabad & Buldhana

ہو سکتا ہے کورونا ویکسین سب پر اثردار نہ ہو، برطانیہ کی ویکسین ٹاسک فورس چیف کا اندیشہ

کورونا وبا سےنجات پانے کے لیے سبھی کو ویکسین کا شدت سے انتظار ہے۔ اس درمیان برطانیہ کی ویکسین ٹاسک فورس چیف کیٹن بنگم نے یہ کہہ کر سبھی کو حیران کر دیا ہےکہ ممکن ہے کورونا ویکسین سبھی عمر کے لوگوں پر اثردار نہ ہو۔ کیٹ نے واضح لفظوں میں کہا کہ پہلے مرحلہ میں جو ویکسین لوگوں تک پہنچے گی وہ پرفیکٹ نہیں ہوگی، اس میں خامیاں ہوں گی اور ہو سکتا ہے کہ یہ سبھی لوگوں کے لیے کارگر ثابت نہ ہو۔ حالانکہ آکسفورڈ-ایسٹراجینیکا ویکسین نے منگل کو کہا کہ شروعاتی نتائج میں ان کی ویکسین بزرگوں پر بھی اثر دکھا رہی ہے جو خوشی کی بات ہے۔

کیٹ بنگھم نے کہا کہ فی الحال تو ہمیں یہ بھی نہیں پتہ کہ ویکسین کب تک بنے گی یا یہ کہ کبھی بن بھی پائے گی یا نہیں۔ ہمیں ضرورت سے زیادہ خوش فہمی میں ضابطوں میں ڈھیل دینے کی کوئی ضرورت نہیں ہے، یہ ابھی خطرناک ہے۔ لینسٹ جنرل سے بات چیت میں انھوں نے کہا کہ پہلی جنریشن کی ویکسین میں یقیناً کچھ خامیاں ہوں گی، ہمیں اس بات کے لیے تیار رہنا چاہیے کہ یہ ویکسین علامتوں کو گھٹانے کےمعاملے میں بھی شاید ہر عمر کےلوگوں کے لیے کارگر ثابت نہ ہو۔ کیٹ کے مطابق65 سال سے زیادہ کی عمر کے اشخاص کے لیے ابھی پرفیکٹ ویکسین کا انتظار اور طویل ہو سکتا ہے۔

آکسفورڈ یونیورسٹی نے منگل کو بتایا کہ ٹیسٹنگ کے یے جن لوگوں کو بھی اس کی کورونا ویکسین کی خوراک دی گئی ہے، ان میں مضبوط قوت مدافعت پیدا ہوئی ہے۔ آکسفورڈ یونیورسٹی برطانیہ کی دوا کمپنی ایسٹراجنیکا کے ساتھ مل کر کورونا ویکسین تیار کر رہی ہے۔ حالانکہ ٹیسٹنگ کے شروعاتی نتائج کو آفیشیل طور پر ابھی جاری نہیں کیا گیا ہے، لیکن یونیورسٹی کے پروفیسر اینڈریو پولارڈ نے حال ہی میں ایک ریسرچ کانفرنس میں کہا کہ مثبت نتائج حاصل ہوئے ہیں۔

قومی آواز بیورو

You might also like

Subscribe To Our Newsletter

You have Successfully Subscribed!