Published From Aurangabad & Buldhana

گنگولی اور جے شاہ کے بارے میں فیصلہ دو ہفتے بعد

نئی دہلی: سپریم کورٹ نے ہندوستان میں کرکٹ بورڈ (بی سی سی آئی) کے آئین میں ترمیم کی سماعت پر اتفاق کیا ہے اور اس معاملے کی سماعت دو ہفتوں کے بعد ہوگی اس معاملے کی سماعت کرتے ہوئے چیف جسٹس سی اے بوبڈے اور ایل ناگیشور راؤ پر مشتمل بنچ نے بی سی سی آئی کی جانب سے اپنے آئین میں ترمیم کی درخواست پر سماعت کرنے پر اتفاق کیا ہے۔

بی سی سی آئی کی طرف سے ہندوستان کے سالیسیٹر جنرل تشہار مہتا پیش ہوئے جبکہ کپل سبل نے تمل ناڈو کرکٹ ایسوسی ایشن اور ہریش سالوے نے ہماچل پردیش کرکٹ ایسوسی ایشن کی جانب سے ریاستی انجمنوں کے لئے فنڈز جاری کرنے کے لئے درخواست کی۔

بی سی سی آئی نے گزشتہ 21 اپریل کو اپنے پہلے سالانہ عام اجلاس میں آئین میں ترمیم کرنے کی تجویز پیش کی تھی۔ اس ترمیم میں بی سی سی آئی کے صدر اور سکریٹری کے عہدے میں تبدیلی بھی شامل تھی۔ لوڈھا کمیٹی کے مطابق کوئی بھی شخص مسلسل دو میعاد پوری کرنے کے بعد تین سال کی کولنگ پیریڈ پوری کیے بغیر عہدے پر نہیں رہ سکتا۔

گنگولی کی بی سی سی آئی کے صدر کی حیثیت سے مدت اس مہینے کے آخر میں ختم ہوگی اور قواعد کے مطابق وہ اس عہدے پر برقرار نہیں رہ سکتے ہیں۔ جے شاہ کی سکریٹری کی حیثیت سے میعاد ختم ہو گئی ہے لیکن وہ عہدے پر موجود ہیں۔

یو این آئی

You might also like

Subscribe To Our Newsletter

You have Successfully Subscribed!