Published From Aurangabad & Buldhana

کانگریس کو ساتھ لے کر ہی بن سکتا ہے بی جے پی کے خلاف مضبوط محاذ: شرد پوار

گزشتہ تقریباً 15 دنوں کے اندر این سی پی سربراہ شرد پوار سے پرشانت کشور کی تین ملاقاتوں، اور پھر شرد پوار کی رہائش پر کئی اپوزیشن پارٹی لیڈران کی میٹنگ نے سیاسی گلیاروں میں ہلچل پیدا کر دی ہے، اور ایسی قیاس آرائیاں شروع ہو گئی ہیں کہ بی جے پی کے خلاف آئندہ لوک سبھا انتخابات میں تیسرا محاذ بنانے کی تیاری چل رہی ہے۔ تیسرے محاذ کی بات اس لیے بھی اٹھنے لگیں کہ کانگریس کے کسی لیڈر نے شرد پوار کی رہائش پر ہوئی میٹنگ میں حصہ نہیں لیا۔ لیکن اب شرد پوار نے اس طرح کی کوششوں سے انکار کرتے ہوئے واضح لفظوں میں کہہ دیا ہے کہ کوئی بھی متبادل محاذ کانگریس کو ساتھ لیے بغیر نہیں بن سکتا۔

شرد پوار کے گھر پر ہوئی میٹنگ کے بعد اس میں شامل لیڈروں نے کہا تھا کہ سینئر لیڈر یشونت سنہا نے پوار کے گھر میٹنگ بلائی تھی اور اس دوران موجودہ سیاسی حالات پر تبادلہ خیال ضرور ہوا، لیکن بی جے پی کے خلاف محاذ تیار کرنے پر کوئی اہم تبادلہ خیال نہیں ہوا۔ اب شرد پوار نے یہ بیان دیا ہے کہ میٹنگ میں اتحاد کو لے کر کوئی بات چیت نہیں ہوئی تھی، لیکن میں نے میٹنگ میں یہ ضرور کہا کہ اگر کوئی متبادل طاقت کھڑا کرنا ہےتو کانگریس کو ساتھ لے کر ہی کیا جائے گا۔

قومی آواز

You might also like

Subscribe To Our Newsletter

You have Successfully Subscribed!