Published From Aurangabad & Buldhana

ویسٹ انڈیز کے خلاف ٹیسٹ سیریز کے لئے انگلینڈ کی ٹیم کا ہوا اعلان، معین علی اور جانی بیرسٹو کو ٹیم میں نہیں مل پائی جگہ

مانچسٹر : ویسٹ انڈیز کے خلاف 8 جولائی سے شروع ہونے والے ٹیسٹ سیریز کے پہلے میچ کے لئے ہفتے کے روز اعلان ٹیم میں وکٹ کیپر بلے باز جانی بیرسٹو اور آل راؤنڈر معین علی کو انگلینڈ کے لئے 13 رکنی اسکواڈ میں شامل نہیں کیا گیا ہے۔ ٹیسٹ سیریز کا پہلا میچ 8 جولائی سے انگلینڈ کے ساؤتھمپٹن میں ریج باؤل میں ہوگا۔ کورونا وائرس (کووڈ۔19) کی وبا کی وجہ سے ملتوی ہونے والی بین الاقوامی کرکٹ اس ٹیسٹ میچ سے واپسی کر رہی ہے۔ انگلینڈ نے پہلے ٹیسٹ کے لئے 13 رکنی ٹیم کا اعلان کیا ہے اور اس کے ساتھ ہی نو ریزرو کھلاڑیوں کا انتخاب بھی کیا ہے۔


بیرسٹو بیرسٹو نےگذشتہ سال ایشز سیریز میں عمدہ کارکردگی کا مظاہرہ نہیں کیا تھا جس کے بعد انہیں نیوزی لینڈ کےخلاف میچ میں جگہ نہیں دی گئی تھی۔ بیرسٹو نے ویسٹ انڈیز کے خلاف پہلے ٹیسٹ میچ میں انگلینڈ کی ٹیم میں بھی جگہ کھو دی ہے۔ معین نے چند ماہ قبل اعلان کیا تھا کہ وقفے کے بعد وہ ٹیسٹ کرکٹ میں واپسی کے لئے تیار ہیں۔ بیرسٹو کی طرح گزشتہ سال کی ایشز سیریز میں بھی معین کی کارکردگی کچھ خاص نہیں تھی اور اس کے بعد ہونے والے میچوں میں وہ انگلینڈ کی ٹیم میں شامل نہیں ہوئے تھے۔

معین علی نیوزی لینڈ، جنوبی افریقہ اور سری لنکا کے خلاف سیریز کے لئے منتخب کردہ اسکواڈ میں شامل نہیں ہوئے تھے۔ تاہم سری لنکا کے خلاف سیریز کورونا کی وجہ سے منسوخ کردی گئی تھی۔ اس ٹیسٹ میچ میں بین اسٹوکس جو روٹ کی عدم موجودگی میں انگلینڈ کی کپتانی سنبھالیں گے۔ جو روٹ اپنے دوسرے بچےکی پیدائش کی وجہ سے سیریز کے پہلے ٹیسٹ میں نہیں کھیل رہے ہیں ۔ وہ 16 جولائی سے مانچسٹر میں شروع ہونے والے دوسرے ٹیسٹ میچ میں ٹیم میں شامل ہونے سے قبل سات دن قرنطین میں رہیں گے۔

انگلینڈ کا 13 رکنی دستہ:
بین اسٹوکس (کپتان) ، جیمز اینڈرسن ، جوفرا آرچر ، ڈومینک بیس ، اسٹوارٹ براڈ ، روری برنز ، جوس بٹلر (نائب کپتان) ، جیک کرولی ، جو ڈینلی ، اولی پوپ ، ڈوم سیبل ، کرس ووکس ، مارک ووڈ۔
ریزرو کھلاڑی : جیمز بریسی ، سیم کیرن ، بین فاکس ، ڈین لارنس ، جیک لیچ ، ثاقب محمود ، کریگ اوورٹن ، اولی رابنسن ، ایلی اسٹون

You might also like

Subscribe To Our Newsletter

You have Successfully Subscribed!