Published From Aurangabad & Buldhana

سدھو بنے پنجاب کانگریس کے صدر، چار ورکنگ صدر بھی بنائے گئے

پنجاب میں جاری قیاس آرئیوں کا بازار بند ہو گیا ہے اور اب کانگریس اعلی کمان نے نوجوت سنگھ سدھو کو پنجاب کانگریس کا صدر بنا دیا ہے۔ نوجوت سنگھ سدھو کے ساتھ کانگریس اعلی کمان نے چار ورکنگ صدر بھی تقرر کیے ہیں، جن کے نام سنگت سنگھ، کلجیت سنگھ ناگرا، پون گوئل اور سکھوندر ڈینی ہیں۔ نو جوت سنگھ سدھو کو سنیل جاکھڑ کی جگہ صدر بنایا گیا ہے۔

واضح رہے نوجوت سنگھ کی تقرری سے قبل کانگریس اعلی کمان نے تمام پہلوؤں پر غور کرنے کے لئے ایک تین رکنی ٹیم تشکیل دی تھی، کیونکہ ذرائع ابلاغ میں پنجاب کے وزیر اعلی کیپٹن امرندر سنگھ اور کانگریس کے رہنما نوجوت سنگھ سدھو کے بیچ میں اختلافات کی خبروں کا بازار گرم تھا، لیکن تمام رہنماؤں نے دور اندیشی کا مظاہرہ کرتے ہوئے کانگریس اعلی کمان کی بات رکھی اور اپنی جانب سے ذرائع ابلاغ میں کوئی بیان نہیں دیا۔ کانگریس اعلی کمان کا یہ فیصلہ تین رکنی کمیٹی کی رپورٹ کے بعد آیا ہے۔

پنجاب میں کانگریس کی پوزیشن بہت مستحکم ہے اور کسان احتجاج کی وجہ سے اکالی دل اور بی جے پی میں اختلافات ہو گئے ہیں جس کی وجہ سے اکالی دل نے مرکزی حکومت کے اتحاد سے بھی علیحدگی اختیار کر لی ہے اور یہ پہلو کانگریس کے لئے اچھا ہے۔

قومی آواز

You might also like

Subscribe To Our Newsletter

You have Successfully Subscribed!