انڈین پریمیر لیگ یعنی آئی پی ایل کی زبردست کامیابی کو دیکھتے ہوئے خاتون کھلاڑیوں پر مشتمل آئی پی ایل شروع کرنے کا ارادہ گزشتہ کچھ سالوں سے چل رہا تھا جس کو عملی جامہ پہنانے کی سمت میں آج کچھ اہم پیش رفت ہوئی ہے۔ انڈین کرکٹ بورڈ یعنی بی سی سی آئی کے سکریٹری جئے شاہ نے ٹوئٹ کرتے ہوئے جانکاری دی ہے کہ خاتون آئی پی ایل کو ’وومن پریمیر لیگ‘ نام سے جانا جائے گا اور پہلے سیزن کے لیے جن پانچ ٹیموں کا اعلان کیا گیا ہے، اس کی خریداری کا عمل بھی انجام پا چکا ہے۔ بی سی سی آئی نے ان پانچ ٹیموں کو فروخت کر 4669.99 کروڑ روپے حاصل کیے ہیں، یعنی بورڈ مالا مال ہو گیا ہے۔
Today is a historic day in cricket as the bidding for teams of inaugural #WPL broke the records of the inaugural Men's IPL in 2008! Congratulations to the winners as we garnered Rs.4669.99 Cr in total bid. This marks the beginning of a revolution in women's cricket and paves the
— Jay Shah (@JayShah) January 25, 2023
قابل ذکر ہے کہ وومن پریمیر لیگ کے پہلے سیزن میں اترنے والی پانچ ٹیمیں ہیں ممبئی، احمد آباد، بنگلورو، لکھنؤ اور دہلی۔ ان کی نیلامی ہو چکی ہے اور سب سے زیادہ بولی احمد آباد ٹیم کے لیے لگی ہے۔ اڈانی گروپ نے یہ بولی لگائی ہے جو کہ 1289 کروڑ روپے ہے۔ دی گئی جانکاری کے مطابق اڈانی اسپورٹس لائن پرائیویٹ لمیٹڈ نے احمد آباد ٹیم کے لیے 1289 کروڑ روپے، انڈیاوِن اسپورٹس پرائیویٹ لمیٹڈ نے ممبئی ٹیم کے لیے 912.99 کروڑ روپے، رائل چیلنجرس اسپورٹس پرائیویٹ لمیٹڈ نے بنگلورو ٹیم کے لیے 901 کروڑ روپے، جے ایس ڈبلیو جی ایم آر کرکٹ پرائیویٹ لمیٹڈ نے دہلی ٹیم کے لیے 810 کروڑ روپے، اور کیپری گلوبل ہولڈنگز پرائیویٹ لمیٹڈ نے لکھنؤ ٹیم کے لیے 757 کروڑ روپے کی کامیاب بولی لگائی۔
𝐁𝐂𝐂𝐈 𝐚𝐧𝐧𝐨𝐮𝐧𝐜𝐞𝐬 𝐭𝐡𝐞 𝐬𝐮𝐜𝐜𝐞𝐬𝐬𝐟𝐮𝐥 𝐛𝐢𝐝𝐝𝐞𝐫𝐬 𝐟𝐨𝐫 𝐖𝐨𝐦𝐞𝐧’𝐬 𝐏𝐫𝐞𝐦𝐢𝐞𝐫 𝐋𝐞𝐚𝐠𝐮𝐞.
The combined bid valuation is INR 4669.99 Cr
A look at the Five franchises with ownership rights for #WPL pic.twitter.com/ryF7W1BvHH
— BCCI (@BCCI) January 25, 2023
واضح رہے کہ بی سی سی آئی نے وومن پریمیر لیگ (ڈبلیو پی ایل) کے لیے فی الحال کوئی شیڈیول جاری نہیں کیا ہے، لیکن امکان ظاہر کیا جا رہا ہے کہ یہ ٹورنامنٹ رواں سال 4 سے 26 مارچ کے درمیان کرایا جا سکتا ہے۔ ابھی ڈبلیو پی ایل کے لیے کھلاڑیوں کی نیلامی بھی باقی ہے اور جلد ہی یہ عمل بھی انجام دیا جا سکتا ہے۔ پہلے سیزن میں 22 میچ ہونے کا امکان ہے اور سبھی میچ ممبئی کے بریبورن اسٹیڈیم و ڈی وائی پاٹل اسٹیڈیم میں کرائے جا سکتے ہیں۔