Published From Aurangabad & Buldhana

انڈیا۔انگلینڈ کے درمیان پانچواں ٹیسٹ ہوا رد، بھارت نہیں اتار پایا ٹیم

نئی دہلی : بھارت اور انگلینڈ کے درمیان پانچویں ٹیسٹ کی قسمت پر بادل چھائے ہوئے ہیں۔ بی سی سی آئی اور انگلینڈ اینڈ ویلز کرکٹ بورڈ ای سی بی کے درمیان جمعرات اور جمعہ کو طویل بحث کے بعد یہ فیصلہ لیا گیا ہے کہ مانچسٹر میں جمعہ سے شروع ہونے والا ٹیسٹ میچ اب نہیں کھیلا جائے گا۔ انگلینڈ کرکٹ بورڈ نے تصدیق کی ہے کہ اولڈ ٹریفرڈ میں کھیلا جانے والا پانچواں ٹیسٹ میچ اب نہیں ہوگا۔ کیمپ کے اندر کورونا وائرس معاملوں کی تعداد میں مزید اضافے کے خدشے کی وجہ سے ٹیم انڈیا کو میدان میں اتارنے سے قاصر ہے۔

سیریز کے نتیجے پر ابھی تک فیصلہ نہیں ہوپایا ہے۔ پہلے کہا جا رہا تھا کہ بھارت 5 واں ٹیسٹ میچ ہار گیا اور سیریز 2-2 سے پوری ہو گئی لیکن اس کے بعد ای سی بی نے اپنی پریس ریلیز سے یہ حصہ ہٹا دیا۔ اب یہ کہا جا رہا ہے کہ انڈیا 5 واں ٹیسٹ میچ نہیں ہارا ہے اور سیریز اب بھی 2-1 کی برتری کے ساتھ اب بھی انڈیا کے حق میں ہے۔ ای سی بی نے کرکٹ ٹیم انڈیا کو اگلے سال 5 واں ٹیسٹ پورا کرنے کا آپشن بھی دیا ہے جب وہ سفید گیند سیریز کے لیے انگلینڈ کا دورہ کرتے ہیں۔

بیان میں مزید کہا گیا ، "ہم اس خبر کے لیے اپنے مداحوں اور شراکت داروں سے معذرت خواہ ہیں۔ ہم جانتے ہیں کہ بہت سے لوگ بہت مایوس اور تکلیف میں ہوں گے۔ مزید معلومات بروقت شیئر کی جائے گی۔

بتادیں کہ انڈیا کے کوچ روی شاستری اوول میں آخری ٹیسٹ کے دوران کورونا پازیٹو پائے گئے تھے۔ اس کے بعد گیند بازی کوچ بھرت ارون اور فیلڈنگ کوچ آر سریدھر کی رپورٹ بھی مثبت آئی۔ اب مانچسٹر ٹیسٹ سے قبل ٹیم کے فزیو یوگیش پرمار کا کورونا ٹیسٹ بھی مثبت آیا ہے۔

You might also like

Subscribe To Our Newsletter

You have Successfully Subscribed!