Published From Aurangabad & Buldhana

الیکشن میں ہارنے کے بعد مودی اور امت شاہ کو استعفیٰ دے دینا چاہیے

مغربی بنگال کےنتائج کے بعد بی جے پی اور اس کی اعلی قیادت کے خلاف حملہ تیز ہوگئے ہیں ۔ ترنمول کانگریس کے نائب صدر اور اٹل بہاری واجپئی کی کابینہ میں رہے سینئر وزیر یشونت سنہا نے صحافیوں سے خطاب کرتےہوئے کہا ہے کہ وزیر اعظم نریندر مودی اور وزیر داخلہ امت شاہ کو استعفی دے دینا چاہئے۔

ہزاری باغ سے تین مرتبہ رکن پارلیمنٹ رہے یشونت سنہا نے اپنی رہائش گاہ پر صحافیوں سے خطاب کرتےہوئے کہا ہے کہ جس طرح بی جےپی کی اعلی قیادت نے ترنمول کانگریس کی سربراہ اور مغربی بنگال کی وزیر اعلی ممتا بینرجی پر ذاتی حملے کئے اس سے بنگال کے عوام بہت سخت ناراض ہیں اور مغربی بنگال کے نتائج اس ناراضگی کا واضح ثبوت ہیں۔ انہوں نے کہا کہ اس شکست کی ذمہ داری وزیر اعظم نریندر مودی ، وزیر داخلہ امت شاہ، وزیر دفاع راجناتھ سنگھ اور بی جےپی سربراہ جے پی نڈا کو لینی چاہئے۔

ایک سوال کے جواب میں یشونت سنہا نے کہا کہ اگلے سال اتر پردیش میں ہونے والے اسمبلی انتخابات پر اور 2024 کےعام انتخابات پر بھی مغربی بنگال کے نتائج کا اثر ضرور نظر آئے گا۔واضح رہے مغربی بنگال جہاں بی جےپی کی اعلی قیادت کا دعوی تھا کہ اس کو دوسو سےزیادہ سیٹوں پر کامیابی ملےگی لیکن نتائج میں وہ سو کےقریب سیٹیں بھی نہیں لا پائی ۔

قومی آوازبیورو

You might also like

Subscribe To Our Newsletter

You have Successfully Subscribed!