Published From Aurangabad & Buldhana

ہندوستان کو مل گیا زبردست آل راونڈر، دونوں ہاتھوں سے کرسکتا ہےگیند بازی

آپ نے آج تک ایسے گیند بازدیکھیں گے، جوگیند کو ہوا میں دونوں طرف سوئنگ کرانا جانتے ہیں، لیکن ایسا گیند بازدیکھا ہے جودونوں ہاتھوں سے گیند بازی کرتا ہو۔ تمل ناڈو پریمیرلیگ میں ایک ایسا ہی کھلاڑی سب کو حیران کئے ہوئے ہے۔

اس کھلاڑی کا نام موکت ہری ہرن ہے۔ موکت اس ٹورنا منٹ میں وی بی کانچی ویررنس کی طرف سے کھیل رہے ہیں۔ انہوں نے گزشتہ تین دنوں ڈنیگول ڈریگنس کے خلاف میچ میں دونوں ہاتھوں سے گیند بازی کی۔

دلچسپ بات یہ رہی کہ جب بائیں ہاتھ کا بلے باز بلے بازی کرنے کے لئے آتا تو وہ لیفٹ آرم پھینکتے تھے اور جب دائیں ہاتھ کا بلے باز بلے بازی کرنے آتا وہ رائٹ آرم پھینکنے لگتے تھے۔

ویسے اتنی کریٹیو گیند بازی کرنے کے باوجود وہ پورے میچ میں کوئی وکٹ نہیں حاصل کرسکے۔ تاہم اس کے بعد جب ان کی بلے بازی کی باری آئی تو انہوں نے قہربرپا کردیا۔

اس میچ میں وہ چوتھے نمبر پر بلے بازی کرنے کے لئے آئے اور انہوں نے چوکے چھکوں کی بارش کردی۔ انہوں نے آناً فاناً میں اپنی اننگ کے دوران 50 گیندوں میں 77 رن بناڈالے۔ اس دوران انہوں نے 5 چوکے اور 6 چھکے لگائے۔

You might also like

Subscribe To Our Newsletter

You have Successfully Subscribed!