Published From Aurangabad & Buldhana

ہم اسلام کی عزت کرتے ہیں اور مکالمے اور تعاون کو فروغ دینا چاہتے ہیں: فرانسیسی وزیر خارجہ

پیرس: ’’ہم اسلام کی عزت کرتے ہیں، اور تنظیم اسلامی کانفرنس (او آئی سی)کے ساتھ تعاون اور مکالمے کو فروغ دینا چاہتے ہیں۔ اظہار کی آزادی کے بے جا استعمال کے واقعہ پس منظر میں فرانس کے وزیر خارجہ جان ایف لودریان نے یہ اظہار خیال کیا ہے۔

فرانسیسی وزیر خارجہ نے او آئی سی کے سیکرٹری جنرل ڈاکٹر یوسف العثمین سے بات چیت میں اس جذبے اور موقف کا اظہار کیا اور کہا کہ ’’ ہم اسلام کی عزت کرتے ہیں۔۔۔‘‘ اس موقع پر سیکرٹری جنرل او آئی سی نے بھی کہا کہ مقدس ہستیوں کی توہین سے اظہار رائے کی آزادی کاکوئی تعلق نہیں اور دہشت گردی اور انتہا پسندی سے متعلق او آئی سی کا موقف میں کوئی تبدیلی نہیں آئی۔

واضح رہے کہ فرانس میں گستاخانہ خاکوں کی اشاعت سے برگشتہ مسلم دنیا اظہار کی آزادی سے متعلق فرانس کے موقف سے غیر مطمئن ہو کر فرانسیسی اشیا کا بائیکاٹ کرنے پر اتر آئی تھی۔ گستاخانہ خاکوں کی اشاعت اور اظہار کی آزادی کے حوالے سے کچھ حلقوں بشمول تنظیم اسلامی کانفرنس کا موقف جہاں معتدل رہا وہیں ترکی اور پاکستان کے ردعمل کو فرانس نے داخلی معاملات میں مداخلت پر محمول کر کے اس سے گریز پر زور دیاتھا۔

یو این آئی

You might also like

Subscribe To Our Newsletter

You have Successfully Subscribed!