Published From Aurangabad & Buldhana

کانگریس لیڈرشیو کمار کو سپریم کورٹ نے دی راحت،ای ڈی کی ضمانت کے خلاف دائر عر ضی کو خارج کر ای ڈی کو لگائی پھٹکار

کانگریس لیڈر ڈی کے شیو کمار کو منی لانڈرنگ معاملہ میں سپریم کورٹ سے بڑی راحت ملی ہے۔ سپریم کورٹ نے ڈی کے شیو کمار کی ضمانت ختم کرنے کے لئے دائر انفورسمنٹ ڈائریکٹوریٹ (ای ڈی) کی درخواست مسترد کر دی ہے۔ سماعت کے دوران جسٹس نریمن نے ای ڈی کو سرزنش بھی کی۔

جسٹس نریمن نے ای ڈی کے افسران سے سپریم کورٹ کے فیصلوں کا مطالعہ کرنے کی صلاح دیتے ہوئے کہا کہ ’ہمارے فیصلوں کو ہلکے میں نہیں لیا جا سکتا۔‘ سپریم کورٹ نے ای ڈی سے مزید کہا کہ ’ملک کے شہریوں کے ساتھ سلوک کرنے کا یہ کوئی طریقہ نہیں ہے۔‘

سماعت کے دوران سپریم کورٹ نے ای ڈی کی سرزنش کرتے ہوئے کہا کہ آپ ڈی کے شیو کمار کے معاملہ میں پی چدمبرم کی دلیل پیش کررہے ہیں! یہ ’کاپی پیسٹ‘ ہے اور اس میں کوئی تبدیل نہیں کی گئی ہے۔ سپریم کورٹ نے ای ڈی کو نوٹس دیا ہے کہ ڈی کے شیوکمار کیخلاف درج کی گئی ایف آئی آر کو منسوخ کیا جائے۔ ای ڈی نے دہلی ہائی کورٹ کے فیصلے کو سپریم کورٹ میں چیلنج کیا تھا۔

غورطلب ہے کہ 23 اکتوبر کو دہلی ہائی کورٹ نے منی لانڈرنگ (غیر قانون لین دین) کیس میں شیو کمار کو 25 لاکھ کے ذاتی مچلکہ پر ضمانت دی تھی۔ علاوہ ازیں ہائی کورٹ نے انہیں حکم دیا تھا کہ وہ بغیر اجازت ملک سے باہر نہ جائیں اور تحقیقات میں تعاون کریں۔ ڈی کے شیو کمار 25 اکتوبر تک عدالتی تحویل میں تہاڑ جیل میں بند تھے۔ قبل ازیں، ان کی ضمانت کی درخواست ذیلی عدالت سے مسترد ہو گئی تھی۔

قومی آوازبیورو

You might also like

Subscribe To Our Newsletter

You have Successfully Subscribed!