Published From Aurangabad & Buldhana

ڈاکٹر ذا كر نائیک کی عرضی پر الہ آباد ہائی کا فیصلہ محفوظ ، غیر ضمانتی وارنٹ کو کیا گیا ہے چیلنج

الہ آباد : الہ آباد ہائی کورٹ نے متنازع اسلامی مبلغ ڈاکٹر ذاکر نائیک کی درخواست پر آج اپنا فیصلہ محفوظ کر لیا ۔ ذاکر نائک کی طرف سے دی گئی عرضی میں جھانسی کی عدالت کی طرف سے جاری غیر ضمانتی وارنٹ کی قانونی حیثیت کو چیلنج کیا گیا تھا۔ ہائی کورٹ نے پہلے ہی گرفتاری وارنٹ پر روک لگا رکھی ہے۔
جسٹس امر سنگھ چوہان نے درخواست پر سماعت کے بعد فیصلہ محفوظ رکھ لیا۔ عرضی گزار کی جانب سے سینئر وکیل گوپال سوروپ چترویدی اور عمران اللہ خان بحث کی۔ ذاکرنائیک کے خلاف ملک مخالف تعلیم دینے اور دہشت گردانہ سرگرمیوں کی حوصلہ افزائی کرنے کا الزام ہے۔

جھانسی کے اے سی جے ایم کی عدالت میں مجرمانہ استغاثہ دائرہے۔ عدالت میں حاضر نہیں ہونے پر وارنٹ جاری کیا گیا تھا۔ عرضی گزار کا کہنا ہے کہ الزام بے بنیاد ہے۔ سیاسی وجوہات سے مجرمانہ معاملے میں پھنسانے کی کوشش کی جا رہی ہے۔ دونوں فریقوں کو سننے کے بعد عدالت نے فیصلہ محفوظ کر لیا۔

You might also like

Subscribe To Our Newsletter

You have Successfully Subscribed!