Published From Aurangabad & Buldhana

میرے والد کل سے پارلیمنٹ کی کارروائی میں شامل ہوں گے: کارتی چدمبرم

نئی دہلی: کانگریس کے سینئر لیڈر اور سابق مرکزی وزیرخزانہ پی چدمبرم جمعرات سے راجیہ سبھا کی کارروائی میں شامل ہونگے ۔ چدمبرم کے بیٹے اور کارنگریس کےلوک سبھا رکن کارتی چدمبرم نے بدھ کویہاں پارلیمنٹ ہاؤس کے احاطہ میں صحافیوں سے کہا کہ اپنے والد کو سپریم کورٹ سے ضمانے ملنے پر وہ انتہائی خوش ہیں ۔

انہوں نے کہا کہ، ’’میرے لیے یہ بہت بڑا دن ہے ۔ میرے والد 106 دن تک جیل میں رہنے کے بعد باہر آر رہے ہیں ۔وہ رکن پارلیمان ہیں اور جمعرات سے ایوان کی کارروائی میں شامل ہونگے ۔‘‘


قبل ازیں، سپریم کورٹ نے آئی این ایكس میڈیا سے منسلک منی لانڈرنگ سے متعلق ای ڈی کے معاملہ میں تہاڑ جیل میں بند سابق مرکزی وزیر پی چدمبرم کو ضمانت پر رہا کرنے کا بدھ کو حکم دیا۔ جسٹس آر بھانومتی، جسٹس اے ایس بوپنا اور جسٹس رشی کیش رائے کی بنچ نے کچھ شرائط کے ساتھ پی چدمبرم کو ضمانت پر رہا کرنے کا حکم دیا۔

عدالت نے دو لاکھ روپے کی ضمانت کی رقم اور اتنی ہی رقم کے دو مچلكوں پر ضمانت دینے کا فیصلہ کیا۔ کانگریس لیڈر عدالت کی اجازت کے بغیر ملک نہیں چھوڑیں، ساتھ ہی وہ نہ تو کسی گواہ سے بات کریں گے، نہ ہی اس معاملہ میں کوئی عوامی تبصرہ کریں گے، نہ کوئی انٹرویو دیں گے۔

یو این آئی

You might also like

Subscribe To Our Newsletter

You have Successfully Subscribed!