Published From Aurangabad & Buldhana

مثال: مریض قرآن پاک پڑھتا رہا اور ڈاکٹر نے برین ٹیومرکا کامیاب آپریشن کر دیا

اجمیر کی تاریخ میں ایسا پہلی بار ہوا ہے جب مریض قرآن پاک پڑھتا رہا اور ڈاکٹر نے برین ٹیومر کا کامیاب آپریشن کر دیا۔ جی ہاں، ایک نجی اسپتال میں کیا گیا یہ کامیاب آپریشن واقعی اپنے آپ میں ایک مثال ہے۔

آپریشن تھئیٹر میں قرآن پڑھتا مریض اور اس کا علاج کرتے ڈاکٹرز دیکھنے اور سننے میں بھلے ہی یہ آپ کو بناوٹی لگے لیکن یہ سچ ہے اور یہ سب ہوا ہے اجمیر کے ایک نجی اسپتال میں۔ دراصل، مریض عبدل کو برین ٹیومر تھا اور اس کی وجہ سے اس کی قوت سماعت کم ہوتی جا رہی تھی۔ اپنی بیماری کو لے کر وہ نیورو سرجن ڈاکٹر سوریہ چودھری کے پاس پہنچا جہاں ڈاکٹر سوریہ نے اسے بیہوش کئے بغیر اس کا کامیاب آپریشن کر دیا۔

ڈاکٹروں کی ٹیم: فوٹو نیوز 18

آپریشن تھئیٹر میں ڈاکٹر نے اپنی محنت اور تجربہ سے مریض کو ٹھیک کر دیا لیکن مریض جس طرح سے قرآن پڑھتا رہا وہ دیکھنے والی بات تھی۔ ڈاکٹر سوریہ بھی نیوز 18 کے ساتھ بات چیت میں کہتے ہیں کہ حالانکہ سائنس میں اس طرح کے واقعہ کو زیادہ سنجیدہ نہیں مانا جاتا لیکن کہیں نہ کہیں لوگوں میں عقیدت رہتی ہے اور اس سے ہی انسان کو طاقت ملتی ہے۔

بہر حال، مریض عبدل مکمل طور پر اب صحت مند ہے اور اسے اسپتال سے چھٹی بھی دے دی گئی ہے۔ آپریشن کے بعد لوگوں نے ڈاکٹر ٹیم کی ستائش کی۔

You might also like

Subscribe To Our Newsletter

You have Successfully Subscribed!