Published From Aurangabad & Buldhana

عدم اعتماد کی تحریک کی تجویز پر پارلیمنٹ میں ہنگامہ، 1 منٹ میں ہی کارروائی ملتوی

نئی دہلی۔ نریندر مودی کی حکومت کے خلاف وائی ایس آر کانگریس اور تیلگو دیشم پارٹی آج پیر کو لوک سبھا میں اپنی عدم اعتماد کی تحریک کی تجویز پیش کرنے کے لئے پرزور کوشش کرتی نظر آئیں۔ حالانکہ پارلیمنٹ کی کارروائی شروع ہوتے ہی کئی اپوزیشن لیڈران ویل میں جا کر ہنگامہ کرنے لگے جس کی وجہ سے لوک سبھا کی کارروائی شروع ہونے کے ایک منٹ بعد دوپہر 12 بجے تک جبکہ راجیہ سبھا کی کارروائی دن بھر کے لئے ملتوی کرنی پڑی۔

اس عدم اعتماد کی تحریک کی حمایت میں جہاں کئی پارٹیاں متحد ہوتی نظر آ رہی ہیں وہیں پارلیمانی امور کے وزیر اننت کمار نے کہا "ہم مکمل طور پر پر اعتماد ہیں۔ ہم ایوان میں اکثریت رکھتے ہیں اور ہم کسی بھی عدم اعتماد کی تحریک کا سامنا کرنے کے لئے تیار ہیں۔

You might also like

Subscribe To Our Newsletter

You have Successfully Subscribed!