Published From Aurangabad & Buldhana

انتخابات 2019: کانگریس کی چوتھی فہرست جاری، ششی تھرور سمیت 27 امیدوار شامل

کانگریس پارٹی نے لوک سبھا انتخابات کے لئے امیدواروں کی چوتھی فہرست جاری کر دی ہے۔ یہ فہرست 27 امیدواروں کے ناموں پر مشتمل ہے۔ کانگریس کی چوتھی فہرست کے مطابق اتر پردیش کی 7، کیرالہ کی 12، چھتیس گڑھ کی 5، اروناچل پردیش کی 2 اور انڈمان-نکوبار کی ایک سیٹ کے لئے امیدوار کا اعلان کیا گیا ہے۔ فہرست میں ششی تھرور کا بھی نام شامل ہے، انہیں اس مرتبہ بھی کیرالہ کی ترواننت پورم سیٹ سے ٹکٹ دیا گیا ہے۔ ششی تھرور یہاں سے موجودہ رکن پارلیمنٹ ہیں۔

چوتھی فہرست میں ششی تھرور کے علاوہ اتر پردیش کے کیرانہ سے ہریندر ملک، میرٹھ سے اوم پرکاش شرما، گوتم بدھ نگر سے اروند سنگھ چوہان، بجنور سے اندرا بھٹی، علی گڑھ سے بیجندرر سنگھ، ہمیرپور سے پریتم لودھی اور گھوشی سے بال کرشن چوہان کو امیدار مقرر کیا گیا ہے۔

قبل ازیں کانگریس پارٹی نے 15 مارچ کو امیدواروں کی تیسری فہرست جاری کی تھی۔ تیسری فہرست میں 6 ریاستوں کے 18 امیدوارں کے نام تھے۔ آسام کی 5، تلنگانہ کی 8، میگھالیہ کی 2 اور سکم اور ناگالینڈ کی ایک ایک سیٹ کے لئے امیدوار کا اعلان کیا گیا تھا۔ تیسری فہرست میں آسام کے سلچر سے رکن پارلیمنٹ اور خاتون کانگریس کی قومی صدر سشمتا دیو کو دوبارہ ٹکٹ دیا گیا ہے۔

پارٹی کے سینئر رہنما پی ایل پونیا کے بیٹے تنج کو اتر پردیش کی بارابنکی سے امیدوار بنایا گیا ہے۔ وہیں میگھالیہ کے سابق وزیر اعلیٰ پی اے سنگما کو تورا سے اور آسام کے سابق وزیر اعلیٰ ترون گوگوئی کے بیٹے گورو کو کلیابور سے امیدوار بنایا گیا ہے۔

You might also like

Subscribe To Our Newsletter

You have Successfully Subscribed!