Published From Aurangabad & Buldhana

آسٹریلیائی پولس نے دو مسلح افراد کو ماری گولی

سڈنی: آسٹریلیا کی ریاست وکٹوریہ میں انسداد دہشت گردی کی تفتیش کے دوران پولس افسران نے دو مسلح افراد کو گولی مار دی۔
میڈیا رپورٹس کے مطابق انسداد ٹیررزم کمانڈ (سی ٹی سی) کے تفتیش کاروں نے شہر برنوارتھا نارتھ میں خفیہ معلومات حاصل کرنے کے دوران دو لوگوں کا پتہ لگانے کے لئے مقامی پولس کی مدد مانگی تھی۔ وکٹوریہ کے قائم مقام اسسٹنٹ کمشنر کلائیو رسٹ نے جمعرات کو پریس کانفرنس میں کہا کہ سی ٹی سی کے تفتیش کاروں نے بدھ کی شام رچرڈ سن بینڈ کیمپنگ گراؤنڈ کے قریب اولڈ برنوارتھا روڈ پر دو افراد کو روکنے کی کوشش کی۔
کمشنر کلائیو رسٹ نے کہا ’’اس کے بعد دونوں نے پولس کی گاڑی کو ٹکر ماری اور پھر اپنی گاڑی سے اتر کر پولس سے گتھم گتھا ہو گئے۔ دونوں کے پاس دھاردار ہتھیار تھے۔ ان میں سے ایک شخص نے پولس اہلکار پر حملہ کرنے کی کوشش کی جس کے بعد اسے گولی ماری گئی‘‘۔
انہوں نے بتایا کہ دوسرا شخص کئی منٹ تک پو لس کے ساتھ جدو جہد کرتارہا جسے بعد میں اسے بھی گولی مارنی پڑی۔ واقعہ کے بعد دونوں کو قریبی اسپتال میں داخل کرایا گیا، وکٹوریہ پولس نے بتایا کہ دونوں کی عمر 19 اور 30 سال کے درمیان ہے۔ اندازہ لگایا جا رہا ہے کہ دونوں بھائی ہیں اور ان کے منظم جرائم پیشہ گروہوں کے ساتھ تعلقات ہیں۔

You might also like

Subscribe To Our Newsletter

You have Successfully Subscribed!