Published From Aurangabad & Buldhana

آخری ون ڈے : ہندوستان نے ونڈیز کو 9 وکٹ سے دھویا، سیریز پر 3-1 سے قبضہ

ہندوستان نے ویسٹ انڈیز کو 9 وکٹ سے دھویا

ہندوستان اور ویسٹ انڈیز کے درمیان کھیلی گئی 5 میچوں کی سیریز کے آخری میچ میں ہندوستان نے ویسٹ انڈیز کو 9 وکٹ سے شکست دے دی ہے۔ روہت شرما 63 اور وراٹ کوہلی 33 رن بنا کر ناٹ آؤٹ رہے۔ ہندوستان کا واحد وکٹ شکھر دھون کے طور پر گرا جو 6 رن بنا کر آؤٹ ہوئے۔

قبل ازیں، پانچویں اور آخری یک روزہ میچ میں ہندوستان کے سامنے ویسٹ انڈیز کے بلے بازوں نے پوری طرح گھٹنے ٹیک دیئے۔ ٹاس جیت کر پہلے بلے بازی کرنے اتری ویسٹ انڈیز کی شروعات ہی خراب رہی اور محض 2 رن پر 2 وکٹ گر گئے اور پھر اس کے بعد بھی وقفے وقفے سے وکٹ گرتے رہے، حتیٰ کہ 104 رن پر پوری ٹیم آل آؤٹ ہو گئی۔ ویسٹ انڈیز کی جانب سے ہولڈر 25، سیموئلس 24 اور پاویل 16 ہی دو ہندسوں تک پہنچ سکے۔ تین کھلاڑی تو بغیر کھاتہ کھولے ہی پویلین لوٹ گئے۔

جہاں تک ہندوستانی ٹیم کی گیندبازی کا سوال ہے تو شروع میں بھونیشور اور بمراہ نے جو دباؤ بنایا تھا وہ آخر تک بنا رہا۔ بھونیشور کمار نے 4 اوور میں محض 11 رن دے کر ایک وکٹ لیا جب کہ بمراہ نے 6 اوور میں 11 رن دے کر 2 کھلاڑیوں کو پویلین بھیجا۔ خلیل احمد نے بھی شاندار گیند بازی کرتے ہوئے 7 اوور میں 29 رن دے کر 2 وکٹ لیے۔ سب سے زیادہ 4 وکٹ رویندر جڈیجہ کو ملے، جنھوں نے 9.5 اوور میں 34 رن دیئے۔ کلدیپ یادو کو ایک وکٹ حاصل ہوا اور انھوں نے اپنے 5 اوور میں 18 رن دیئے۔

You might also like

Subscribe To Our Newsletter

You have Successfully Subscribed!